El gremiu d'editores asturianos fai un balance mui positivu de la Feria del Llibru de Guadalajara

La Regenta dexa la so buelga en Guadalajara col estand onde se presentaron les lletres asturianes

Diez editoriales asturianes participaron na última edición de la Feria Internacional del Llibru de Guadalajara, en México. Un eventu pel que pasen cada añu cerca de 1 millón d'asistentes y que yá se convirtió nuna cita de referencia internacional pal sector apunta Daniel Álvarez, presidente del Gremiu d'Editores d'Asturies.

Nun estand compartíu, sofitáu por Asturex y con una decoración inspirada nos 140 años de La Regenta, les distintes editoriales pudieron promocionar el so trabayu, vender les sos espublizaciones y buscar distribuidores en Méxicu.

Les editoriales asturianes valoren mui positivamente'l so pasu pel eventu. Méxicu representa un mercáu mui interesante pal sector y ye qu'España ye'l segundu proveedor de llibros del país. Facía 15 años qu'Asturies nun tenía representación nesta cita.

Y nun son los embaxadores asturianos que tuvieron estos díes en Guadalajara. Rodrigo Cuevas foi l'encargáu d'inaugurar el ciclu de conciertos de la feria entamáu pol Gobiernu d'España, el so oxetivu yera amosar lo meyor de la cultura del nuesu país.