El director de 'El Mesíes' d'Haendel pide al públicu que se dexe llevar pola música

El maestru Martín Baeza-Rubio va ser l'encargáu de dirixir a la OSPA y a les voces del coru de la Fundación Princesa d'Asturies

La Orquesta Sinfónica del Principáu calez instrumentos pal ensayu xeneral del conciertu de Navidá. El Mesíes d’Haendel va sonar so la batuta del maestru Martín Baeza-Rubio. Col Coru de la Fundación Princesa, y cuatro solistes.

El maestru visita agora a la OSPA como director, pero nun ye'l so primer contactu con ella.

El Mesíes de Haendel ye un clásicu pal coru de la Fundación Princesa d'Asturies y pa la OSPA. Tamién pa Uviéu, onde cada Navidá escosen les entraes.

La carrera de Martín Baeza-Rubio ye una partitura llarga y de prestixu. Por citar lo último, ente 2013 y 2023 foi director titular de la Orquesta de Cámara de la Ópera de Berlín y tien un ampliu bagaxe operísticu. Nesti Mesíes les voces solistes van poneles Pilar Alva, Anaud Gluck, Alberto Palacios y Christoph Filler.