Espicha solidaria'l sábadu en Nava pa recaldar xuguetes pa les neñes y neños afectaos pola dana

L'alcalde de Nava viaxará a Valencia'l día 3 de xineru pa dar tolo recaldao

L’Ayuntamientu de Nava entamó pal sábadu viniente una preva de sidra na que participen tolos llagareros del conceyu. Con ella, amás de celebrar el reconocimientu de la cultura sidrera como patrimoniu cultural de la Unesco, el consistoriu quier recaldar xuguetes pa les neñes y neños afectaos pola dana.

El lema de la preba de sidra ye 'Trai un xuguete y toma un culete'. L’alcalde de Nava viaxará a Valencia’l día 3 de xineru pa dar tolo recaldao.