Marco Magoa estrena 'Astyanax' en Xixón

Un testu épicu y poéticu con una fuerte crítica social

Violentu, tienru y valiente. Son les palabres que’l dramaturgu Marco Magoa escueye pa describir el so nuevu espectáculu 'Astyanax'. Una obra escénica en clave de traxedia que centra la so atención nos supervivientes de les derrotes.

Lola Manzanares, Alex Usen y el propiu Magoa son los actores encargaos de llevar a les tables esti testu teatral. Un testu épicu y poéticu con una fuerte crítica social.

Y ye que’l dramaturgu, que trabayó n’Europa, nos EEXX, n’África y n’Oriente Mediu, acusa a les instituciones asturianes de censurar el so arte. Precisamente esti descontentu personal, asina como la muerte recién de so madre, fueron factores clave nel desendolcu de la obra.

El dramaturgu espera evocar nel públicu emociones como la compasión, la rabia o l’enfadu.

La obra podrá vese’l domingu 29 d’avientu a les 19:00 nel Teatru de La Llaboral de Xixón.