El tenor asturianu Alejandro Roy, protagonista del Conciertu d'Añu Nuevu nel Teatru de La Zarzuela

Les entraes yá tán agotaes

El tenor xixonés Alejandro Roy, protagonizará xunto a la sopranu Ángeles Blancas, el tradicional conciertu d’Añu Nuevu que se celebrará nel Teatru de la Zarzuela de Madrid.

Los dos artistes tarán dirixíos por Álvaro Albiach y actuarán acompañaos pola Orquesta de la Comunidá de Madrid.

El conciertu, que lleva por títulu 'Festejando el porvenir', inxerta una selección d’obres del xéneru líricu español de compositores como José Serrano, Gerónimo Giménez o Federico Chueca, ente otros. La cita tendrá llugar esta tarde a les 19:30.

Les entraes yá tán agotaes.