La Basílica de San Xuan el Real pide ayuda urxente y donaciones pa reparar les vidrieres

El proyectu tien un presupuestu de tres millones, anque tendrán que facer los trabayos per partes

La Basílica de San Xuan El Real vuelve a pidir la collaboración de los sos fieles pa entamar una obra d’urxencia: la reparación de les vidrieres, sobre manera les de la cúpula, que cuerren peligru de romper.

El proyectu tien un presupuestu de tres millones d’euros, anque almiten que tendrán que facer los trabayos per partes. Nun-yos llega cola ayuda del Arzobispáu, nun tienen presupuestu del Principáu al nun ser BIC y l’Ayuntamientu, insisten, tampoco los sofita, asina que piden donaciones particulares.

Enagora tienen 300.000 euros aforraos, d’apurrimientos particulares y de los cepillos. En plural. Del de la cesta de toles mises y d’esti otru electrónicu, pa donar con tarxeta de creitu, que foi una modernidá, pero non la panacea, almiten, porque nos siete años que lleva instaláu namás algamaron 6.000 euros.