La Escuela Cimera d'Arte recupera la escultura 'Hombre y Mujer'

La obra d'una muyer nos años 50, una pieza única y un símbolu d'Avilés

Margarita Cavestany construyóla en 1958 pal ambulatoriu de Llano Ponte, edificiu que’l so primu, arquitectu, taba construyendo n’Avilés, nun momentu nel que la llegada d’Ensidesa multiplicare la población de la ciudá.

Tres l’esbarrumbe d’esti edificiu en 2004, la obra foi almacenada nel antiguu mataderu, foi rota por unos lladrones pa llevala, creyendo que yera de bronce, aunque a la fin nun lo algamaron.

La Escuela Cimera d’Arte ocúpase agora de devolve-y la vida a esta peculiar pieza.

Otra peculiaridá d’esta pieza ye que ta construyida en zinc, un material que nun se suel usar n’escultura, pero que dexó la so bona conservación.

'Hombre y Mujer' yera una talla de 190 d’altu por 120 d’anchu. L’Ayuntamientu baraxa delles opciones como’l so nuevu destín, dende un hospital o centru de salú hasta un polideportivu.