'Las bodas de Fígaro' pon fin a la temporada d'ópera uvieína

Una ópera mimada en cada detalle, so la dirección d'escena d'Emilio Sagi

Con permisu absolutu colámonos nos camerinos del teatru Campoamor. Son los momentos previos al pre-ensayu xeneral de ‘Las Bodas de Fígaro'. Ópera de Mozart que pon fin a la temporada uvieína. Equí atopamos a unu de Mieres, Abraham García. Él ye Fígaro. Un papel esixente no llírico y no físico.

García forma parte del elencu mozu. Xunto a esti Querubín. Ella, Selrena Pérez, de Xixón. Un personaxe que define como afayadizu pa una ópera perfecta p’adientrase na llírica.

Y too so la puesta n'escena d'Emilio Sagi, que sigue esfrutando cada ópera como si fuera la primera.

Una ópera mimada en cada detalle. Con música d'Uviéu Filarmonía, batuta de Lucas Macías y vestuariu de Gabriela Salaverri, que-yos brinda esti regalu.