AIDA Books, la primer llibrería solidaria, celebra'l so primer añu en Xixón

Ye un espaciu onde donar y comprar llibros a precios económicos ente los 3 y 5 euros

En 2024, l’asociación vendió 16.000 exemplares y recaldó 37.000 euros pa proyectos humanitarios y de cooperación. Les voluntaries superaron les espectatives de ventes y de donaciones nesti primer añu y destaquen que son “llibros que salven vides” señala Ana Fueyo, voluntaria.

Parte de los beneficios destínense a evacuar y operar n’Europa a neños y neñes con cardiopatíes de Guinea Bissau, ún de los países más probes del mundu apunta Sol, voluntaria.

El proyectu involucra a tolos ciudadanos y cunta cola collaboración de colexos, instituciones y empreses de la ciudá. El públicu destaca que l’espaciu ye escelente tanto pola calidá de los productos como polos sos precios comenten Fernando Vallesa y Rouse Pernía, vecinos de Xixón.

El 5 de febreru viniente, l’asociación tará col so mercadín solidariu na Escuela Oficial d’Idiomes.