Hevia va ufiertar el 22 de marzu un conciertu polos 25 años del Europe Award pa 'Tierra de Naide'

El tema del gaiteru asturianu vendió nun añu más d'un millón de discos

José Ángel Hevia va ufiertar el 22 de marzu un conciertu pa conmemorar los 25 años del premiu platinium Europe Award por ‘Tierra de Naide', premiu por vender nun añu más d'un millón de discos.

Nel Campoamor, Hevia va tar acompañáu de la banda de gaites de Candás y la d'Uviéu. Tamién van actuar Nando Agüeros, Marisa Valle Roso, Mari Luz Cristóbal o Liuba María Hevia. L'escenariu ye una vuelta a los oríxenes d’Hevia.

Conciertu pa recordar la concesión del premiu por vender más d'un millón de discos de 'Tierra de naide' n'Europa fai 25 años. Aquel foi un ésitu inesperáu pa un Hevia que foi a Madrid a grabar un discu unos meses y acabó entamando una xira interminable.

Por cuenta de esta efeméride, sacaron un discu conmemorativu con temes de 'Tierra de naide' y otros trabayos, y tamién un videoclip grabáu nel mesmu sitiu que l'orixinal y que pue vese en distintes plataformes.