Los Goya faen hestoria al premiar xuntes a 'El 47' y 'La Infiltrada'

Llistáu de los ganadores de los 39 Premios Goya de l'Academia de Cine

Los Goya de 2025 fixeron hestoria porque premiaron como meyor película 'ex aequo' a 'El 47' y a 'La infiltrada' tres una gala mui igualada con dellos de los sos protagonistes reivindicando vivienda digna o espresando la so esmolición por Donald Trump.

Una quincena de películes tuvieron premiu nos Goya, y ello ye que toles candidates finalistes na categoría reina, les cinco, recibieron galardón.

'El 47' ye la que más premios llevó, cinco goyes (película, actor de repartu, actriz de repartu, dirección de producción y efectos especiales), mientres 'Casa en llamas' llogró unu (guion orixinal); y 'La estrella azul', dos (dirección novel y actor revelación).