ATM volverá ser la única galería asturiana con presencia n'Arco

Les obres de Pablo Linsambarth, Pablo de Lillo y Ixone Sádaba podrán vese en marzu en Madrid

El próximu mes, ATM volverá ser la única galería asturiana con presencia n'Arco. Van participar con un proyectu individual del artista chilenu Pablo Linsambarth y con obres de Pablo de Lillo y Ixone Sádaba.

Anque entá tán por concretar, Pablo tien claro qu’una de les cuatro obres que va llevar a Arco va ser una creación qu'entemez elementos del so Chile natal, como un color ocre que recuerda'l desiertu d’Atacama, col azul del mar del que ta pudiendo esfrutar na so residencia artística en Xixón.

L'artista chilenu esplícanos amás que la so firma nun ye visible al espectador.

Diego Suárez, director de la galería, tien claro qué lu fixo apostar pola obra de Pablo. Reconoz que, anque'l texíu de galeríes d'arte contemporaneu qu'hai n'Asturies ye sólidu, los requisitos pa participar n'Arco son esixentes y que, quiciabes por eso, dende fai 12 años solo la so galería va a la cita de Madrid.