El XXXVII Descensu de Galiana cuntará cola cifra récor de 36 ardiluxos participantes

Los ardiluxos percuerren les cais d'Avilés nes hores enantes del descensu

Avilés celebra la XXXVII edición del Descensu Internacional y Fluvial de Galiana, l’actu estrella del so Antroxu, nel qu’un total de 36 "ardiluxos" diseñaos polos participantes, una cantidá récor, baxarán cai abaxo ente l’abondante espluma que s’echará na vía pública.

Esta mañana, los ardiluxos percorrieron les cais d’Avilés nes hores enantes del descensu. El cambéu d’allugamientu de los preparativos dexó que se vean les creaciones enantes de que baxen esta tarde pela cai Galiana, onde yá se probaron los cañones d’espluma.

El Consistoriu prometió que’l públicu podrá esfrutar d’un "despliegue d’imaxinación" nes cais de Galiana y San Francisco, la plaza d’El Parche, y les cais de La Cámara y del doctor Graíño, per onde los ardiluxos pasarán de camín al Colexu Públicu Palacio Valdés.