Pone-y veles a la Santina en remoto al traviés d'una aplicación móvil

El nuevu sistema amenorga'l riesgu de quemes na basílica de Cuadonga

Cuadonga yá da respuesta a les persones que deseen pone-y una vela a la Virxe pero nun puen averase hasta'l Santuariu. Pa esos fieles que viven lloñe de Cuadonga ufiértase un serviciu que dexa encender de forma remota, a golpe de clic, dende'l teléfonu móvil y al traviés d'una aplicación.

Atender la demanda de quien, ensin poder faelo en persona, quieren pone-y una vela a la Santina. Esto foi lo que motivó la instalación d'un lampadariu na basílica de Cuadonga.

Les sos 75 veles préndense por aciu d’una aplicación móvil. Entá nun tienen datos, pero nel santuariu ven qu'a lo llargo del día van encendiéndose les veles. Un sistema que, pel momentu, nun tienen previsto llevar a la cueva.

Unes veles que, o se traen o se merquen en Cuadonga, inclusive nuna máquina espendedora.

El nuevu sistema en remoto ye poco conocíu ente un públicu que prefier les veles de tola vida.

Encender una vela a la Santina dende cualquier llugar del mundu, sí; pero'l nuevu sistema de veles en remoto tamién amenorga'l riesgu de quemes na basílica de Cuadonga.