'La otra arista' reflexona esta nueche sobre la pandemia, la so xestión y los sos deprendizaxes

Muyeres de l'Asociación de Pacientes de Covid Persistente d'Asturies cunten cómo cada xestu de caldía conviértese nun esfuerzu titánicu

Cinco años dempués de que la pandemia del COVID-19 camudare les nuestres vides entá munchos asturianos conviven coles secueles que’l virus dexó nel so cuerpu.

Entamaes na Asociación de Pacientes de Covid Persistente d’Asturies cunten cómo cada xestu de caldía conviértese nun esfuerzu titánicu y la so llucha llegal p’algamar incapacidaes llaborales o simplemente un diagnósticu.

Son dalgunes de les voces que podrán escuchar nel programa 'La otra arista' que dedica’l so capítulu d’esta nueche al recuerdu de la pandemia, la so xestión y los sos deprendizaxes.