El MUXA recibe al so nuevu diplodocus

Una ventena de dinosaurios formen parte yá de la manada de La Rasa San Telmo

El Muséu Xurásicu d’Asturies (MUXA) inxertó esti miércoles a la so colección una réplica d’un dinosauriu diplodocus, representativu del periodu Xurásicu, de dieciocho metros de llargu y de 3,75 metros d’altura.

Esta reproducción sustituye al anterior diplodocus del Xardín, que taba n’estáu d’estrozu, y ta fecha con material resistente a la intemperie por mor del so allugamientu nuna zona espuesta a l’alta salinidá.

Tecmolde, con una gran esperiencia nel sector y na fechura d’escenografíes de películes, parques temáticos o figures, foi la empresa axudicataria de la llicitación pal suministru y instalación d’esta réplica, con un costu superior a los 70.000 euros, informó’l MUXA.