'Hay ropa tendida', una esposición de Myriam Moral en Grau

Un proyectu qu'aborda acontecimientos de la posguerra dende una perspectiva de xéneru

'Hay ropa tendida' ye’l títulu de la esposición de Myriam Moral que s’inaugura esta tarde en Grau. Ye un proyectu qu’aborda dalgunos acontecimientos asocedíos na posguerra dende una perspectiva de xéneru.

Una visita a la fuexa d’El Rellán supunxo’l puntu de partida de 'Hay ropa tendida'. Un proyectu de Myriam Moral qu’aborda acontecimientos de la posguerra vivíos por muyeres.

L’amuesa ta compuesta por ocho obres n’acuarela sobre papel, impreses dempués sobre tela y toes elles tienen cara de muyer. Dalgunes con nome propiu: Julia, Gertrudis, Vicenta, María o Isabel, familiares de l’artista y a les que la posguerra dexóles güérfanes de padres o de fíos. Otres, son anónimes y representen lo vivío por munches.

Tamién hai dos obres feches directamente sobre tela: son dos vistíos. Una alegoría sobre esa ropa tendío, una frase que se dicía cuando nun se podía falar de dalgo.

La tinta, filo, acuarela y oxetos de 'Hay ropa tendida' puen vese hasta’l 30 de marzu na casa de cultura de Grau.