El metro de Londres va llucir serigrafíes feches en Villaviciosa

Eliza Southwood tien un taller y sala d'esposición na Villa

Tintada a tintada, hasta seis colores na serigrafía de la Dulwich Picture Gallery, una de les cuatro instituciones que l'artista Eliza Southwood tien que retratar. Les otres pieces son el zoo de Londres, el Royal Albert Hall y el Muséu del Tresporte. Ye un encargu del Conceyu pal programa d'arte nel metro.

Southwood ta deseando sacase la semeya nel metro con una de les sos imáxenes. Pel momentu solo podemos ver fragmentos porque hasta'l 4 d'abril nun s'inaugura la primera y ye secretu.

El Muséu del Tresporte de Londres también-y encargó 50 orixinales de cada serigrafía. Ella mesma va llevales en mano.

Un viaxe ente'l Cantábricu y Inglaterra que fai davezu. Southwood ta representada por media docena de galeríes britániques, pero les obres salen d'un taller de la Villa, que tamién cunta con espaciu pa la esposición.