Hevia ufierta un conciertu conmemorativu del éxitu mundial 'Tierra de Naide' nel Campoamor

El gaiteru celebra'l 25 aniversariu de la concesión del premiu Platinum Europe Award

El gaiteru José Ángel Hevia ufierta esta nueche nel Teatru Campoamor d’Uviéu un conciertu de la so xira conmemorativa pol 25 aniversariu de la concesión del premiu Platinum Europe Award qu’algamó por vender, nun añu, más d’un millón de discos del álbum 'Tierra de nadie'. Un trabayu referente de la música asturiana.

Hevia ta de xira permanente dende qu’asoleyare en 1998 el so gran éxitu, el discu 'Tierra de Naide'. Atrás queden los entamos d’aquel neñu que s’aficionó a la gaita escuchando na radio col güelu’l programa 'Asturias popular', de Modesto González Cobas.

Siempres tuvo un suañu pa la gaita. Buscólu dos años hasta que pudo grabar 'Tierra de Naide', dempués d’un procesu de deprendizaxe con una gaita revolucionaria, que quedó pa siempres asociada a la so imaxe.

Agora, Hevia celebra los 25 años d’aquel éxitu mundial, nun conciertu con sorpreses y invitaos especiales nel Teatru Campoamor de Oviedo.