Rafa Lorenzo asoleya 'Marcelino del Llano, tenor tinetense de fama internacional'

L'oxetivu ye rescatar del escarzu la figura del exitosu cantante llíricu

Rafa Lorenzo supo de Marcelino del Llano va unos años. Afondó, investigó y escribió sobre la so historia. Un testu que s’asoleya agora baxo’l títulu 'Marcelino del Llano, tenor tinetense de fama internacional' y que ye parte del reconocimientu col que Tinéu quier dar el llugar que merez al so paisanu.

Natural del pueblu de Tamayanes, Marcelino del Llano emigró a Cuba a buscase la vida y acabó convirtiéndose nun cantante llíricu de primer nivel, trunfando en Llatinoamérica y España.

El llibru recueye parte de la so trayectoria. Inxerta tamién dellos códigos QR al traviés de los que se puen escuchar canciones interpretaes por él. Confíen en qu’esti seya namás el primer pasu pa rescatar del escaezu a esta figura y que sirva pa que se fagan más estudios y trabayos sobre la so vida y carrera.