Mungo's hi-Fi, Lazarus, Biznaga, Carlangas y Deadletter, nel Xixón Sound Festival

La sala Acapulco y la plaza Mayor sedrán los principales escenarios del festival

Mungo's hi-Fi, Eva Lazarus, Biznaga, Carlangas y Deadletter actuarán nel Xixón Sound Festival, que se celebrará del 4 al 6 d’abril en diferentes llugares de la ciudá.

El presidente de Divertia, Oliver Suárez, destacó esti miércoles na presentación del eventu que la ciudá convertiráse en "epicentru de la cultura" en tres díes, con un eventu que ye daqué "más qu’un festival de música".

Entamáu por Mestizo Producciones, dixo que ye’l festival "más 'playu'", con una "programación distinta y vibrante".

El productor José Luis Quirós, de Mestizo, resaltó la "clara vocación de ciudá" d’un festival nel que "el cabeza de cartelu" ye Xixón, con una gran cantidá de propuestes de baldre na plaza del Ayuntamientu y otros llugares, asina como "un escenariu d’arte na cai en collaboración" col consistoriu y Divertia.

El vienres 4 d’abril, con un preciu de 25 euros, Mungo's hi-Fi ft Eva Lazarus, Les Testarudes y Carlangas actuarán na plaza del Ayuntamientu, dende les 20 hores.

Cool Up & Sherlock Horns, La Viuda de Angelín y el DJ set de Ximielgu formarán el cartelu de la fiesta que, esi mesmu día, tendrá llugar na sala Acapulco, dende la 01:00.

El Sábadu 5, na plaza l’Ayuntamientu dende les 13 hores actuarán The Soulers y Cosmic Wacho, con entrada da baldre, como Mayara Zydeco na plaza del Marqués, dende les 15:15.

Esi mismo día, na plaza del Ayuntamientu, dende les 20:00, con un preciu de 25 euros, actuarán Biznaga, Deadletter y Lie Detectors.

El domingu 6, na plaza del Marqués, dende les 12:45 actuará con entrada de baldre Paco Pecado, al igual qu’Igor Paskual & Rockin' Rothkos y Soul Fiends, na plaza l’Ayuntamientu, dende les 13:30.