Cecilia Belmonte, la protagonista de la nueva novela de María Dueñas

'Por si un día volvemos' ye una hestoria de sororidá

'Por si un día volvemos' ye la nueva novela de María Dueñas. La escritora vuelve tener una muyer nel centru de la hestoria. Una muyer fuerte y lluchadora nuna ciudá colonial con una hestoria que va marcando la trama de la novela.

Orán, n'Arxelia ye ciudá. La novela toma 30 años, dende la puxanza colonial a la independencia d'Arxelia. Ellí llega fuxendo d'un temible socesu la protagonista, Cecilia Belmonte. Ye una de les munches muyeres españoles qu'atoparon nel norte d'África un llugar onde vivir, trabayar y lluchar.

Nuna entrevista en TPA Noticies Matinal, María Dueñas asegura que ye una hestoria tamién de sororidá. La protagonista de 'Por si un día volvemos' forma parte de los 'pies negros', un colectivu escaecíu tres la independencia d'Arxelia a los que-yos costó atopar de nuevo'l so sitiu n'España o en Francia.

La so hestoria, qu'agora rescata Dueñas, nun ye tan distinta a les hestories de güei, asegura l'autora.

Diz María Dueñas que nun busca adoctrinar colos sos llibros, pero sí que seyan un focu pa capítulos de la hestoria que merecen ser contaos.