El cantautor Flaco Rodríguez presenta'l so segundu discu: 'Últimamente solo hablo de ti'

El so nuevu álbum vuelve tar so la producción d'Héctor Tuya

El rock cuerre peles sos venes, pero nel so segundu álbum esperimenta con otros estilos musicales, pa falar sobro temes universales, como l'amor, cola so particular forma de da-yos voz asegura Flaco Rodríguez, cantautor.

El nuevu álbum d'estudiu, producíu por Héctor Tuya, contién diez cantares, ente ellos 'Hey Marina', una composición que-y ta dando munches allegríes

Graduáu n'Humanidaes y Periodismu, Flaco Rodríguez ta abriéndose camín como cantautor, compositor y actor desque n'avientu de 2022 espublizó'l so primer álbum d'estudiu, 'La Historia de Cuatro Tipos'. Pel branu promete una xira per Asturies col so nuevu trabayu.