Hugo ye l'únicu neñu asturianu con síndrome d'Alström, una enfermedá ultra rara que provoca múltiples patoloxíes

La madre d'Hugo pide que n'Asturies s'amplíen les terapies d'Atención temprana hasta los 6 años como na mayoría de les comunidaes autónomes

Hugo tien 2 años y mediu y ye l'únicu asturianu col síndrome d’Alström que lleva asociaes numberoses patoloxíes asegura Begoña Morales, madre d'Hugo. Amás, pue desenvolver sordera billateral, fallos renales y una gastadura a nivel orgánicu qu'acurtia la so esperanza de vida a los 35 años.

Por too ello va a atención temprana onde recibe sesiones de logopedia, estimulación temprana y estimulación acuática pero al cumplir los 3 años esto acábase.

La única opción que-y dan ye escolarizar a Hugo y que reciba sofitos nel colexu con profesores en llugar de logopedes o terapeutas ocupacionales. Por ello pide que n'Asturies s'amplíen les terapies d'Atención temprana hasta los 6 años como na mayoría de les comunidaes autónomes, porque estos años son clave.

Xunto con otres madres va siguir lluchando pa consiguilo.