Les mazcaraes d'iviernu de Valdesoto desfilen per La Pola (Siero)

Más de 150 personaxes participaron nel eventu

Siete grupos de maxcaraes d’iviernu, y alredor de 150 persones desfilaron peles cais de La Pola (Siero). Un añu más, los personaxes volvieron coles sos trastaes, molestando a los vecinos. Dende tirones de pelo y achuchones, hasta carreres y glayíos peles cais, asustando a los más pequeños colos sos traxes.

Les xornaes, que celebren la so decimoquinta edición, enllenaron les cais de públicu. El soníu de les llueques marcó’l ritmu del espectáculu. L’eventu cuntó cola participación de grupos convidaos como 'La Botarga de Cabanillas del Campo', de Guadalajara, 'Las Carantoñas de Aceuche' en Cáceres, y 'Entroido de Pombriego' de Lleón señalen Álex Cueto, entamador del desfile, y Rosa María Álvarez, del grupu de mazcaraos de Carantoñas de Aceuche (Cáceres).

L’Asociación El Cencerru busca caltener la tradición de les mazcaraes d’iviernu y fomentar l’intercambéu cultural ente rexones. Amás, dempués del desfile, convidaron a tolos grupos participantes a esfrutar d’una fabada.