Los cromos garren protagonismu cada domingu n'El Fontán

Un puestu del mercáu ye puntu d'alcuentru de munchos pequeños aficionaos que busquen completar les sos colecciones

Cada domingu n'El Fontán repítese aquel “Sí, non, sí, non…” actualizáu. Esa romandela de los que busquen el cromu que-yos falta apunten Miguel Barril y Lucas García.

Corrinos alredor del puestu de Don Antonio Oliver, que toles selmanes va al mercáu colos sos álbumes y cromos recién mercaos que revende a namás 30 céntimos la unidá. Porque asegura nun ta equí pa faer negociu.

Cada domingu n'El Fontán recupérase l'allegría de tachar el númberu atopáu con secretarios en forma de padres y güelos aseguren Loli Mendoza y David Suárez.

Mayores que recuerden cuando un poco más neños faíen lo mesmo col cotizáu 32 de los Mosqueperros o'l 67 de Kubala, señalen Juan Manuel Tirado, Agustín Valverde, Juan Carlos López, Félix Bueno, Pablo González, Juan Carlos Barril, José Ángel Álvarez y Rosa Cuervo.

Porque cada domingu n'El Fontán repítese una afición interxeneracional que caltién esa esencia romántica del coleicionismu, del tratu personal, la del "téngolu, nun lu tengo". La d'unos cromos que nun pasen de moda..., anque cambien les modes y pasen los años.