'Asturadictos', una guía pa namorase d'Asturies

El nuevu llibru d'Ana Paz Paredes algama la segunda edición en menos d'un mes

'Asturadictos' ye'l nuevu llibru de la periodista asturiana Ana Paz Paredes. Una guía con 54 propuestes p'afayar llugares insospechaos d'Asturies. Lleva poco más d'un mes nes llibreríes y yá cunta cola segunda edición.

Empezamos ruta sol artesonáu de Casa Jamallo, tomamos el primer café de la mañana nuna de les rutes que salen en 'Asturadictos'. Conocemos a Maruja Jamallo, más de 60 años de trabayu y cuatro xeneraciones siguiendo'l so camín.

Casa Jamallo ye unu de los llugares emblemáticos que nos propón esti llibru, onde s'axunten 54 capítulos con ilustraciones de Cordelai Pickford.

Nós vamos hasta'l banzáu de Valdemurio, mui cerca.

A partir de cada llugar, Ana Paz plantega un sinfin de personalidaes.

El llibru yá tien en menos d'un mes la so segunda edición. La so demanda fuera d'Asturies ye bien importante; tanto, que s'inclúi un diccionariu d'asturianu.

'Asturadictos' cumple lo que promete, ser una guía pa namorase d'Asturies.