'Espacios detenidos', de Mónica Dixon, na galería Guillermina Caicoya

Once cuadros caracterizaos pol xuegu ente les xeometríes, les lluces y les solombres

L'amuesa 'Espacios detenidos' de l'artista Mónica Dixon amplíase hasta'l 25 de febreru. Son 11 cuadros caracterizaos pol xuegu ente les xeometríes, les lluces y les solombres que s'esponen na galería Guillermina Caicoya d'Uviéu.

Detrás de la xeometría hai munchos cálculos matemáticos y un estudiu detalláu de la lluz. A Dixon interésa-y l'arquitectura contemporánea, influencia reconocible en llinies que ruempe con cubos o esferes.

Proyectó les once pintures acríliques pal espaciu d'esta galería y creóles l'últimu añu. El confinamientu dotóles de más significáu.

Dixon, estadounidense de madre asturiana y afincada n'Uviéu dende va unos años, ye una de les artistes de les que'l Muséu de Belles Artes mercó obra apocayá.