'Madrebona', l'últimu llibru de Pilar Sánchez Vicente sal güei a la venta

Detrás hai un gran trabayu d'arqueoloxía pa construyir una novela que navega pela mitoloxía

'Madrebona', l'últimu llibru de Pilar Sánchez Vicente sal güei a la venta. Cunta la hestoria d'un bufoneru, un vendedor ambulante, fai 6.500 años. El so viaxe dende Creta hasta Asturies. Un percorríu, tamién, pelos oríxenes de dalgunos de los mitos griegos.

Ye una novela histórica que rellata, al traviés de les viviencies del so protagonista, unos momentos desconocíos de la hestoria, pero al empar, fascinantes. El momentu, por casu, de la invención de la rueda o la doma de los llobos. Una novela llarada de personaxes y con muncha importancia de la muyer esplica Pilar Sánchez Vicente, autora de 'Madrebona'.

Detrás hai un gran trabayu d'arqueoloxía pa construyir una novela que navega pela mitoloxía.

La novela yá ta a la venta y la so autora tien yá en marcha más trabayos, el próximu va ser una collaboración con Rodrigo Cuevas.