'Martín Chirino n’As Quintas' podrá visitase hasta’l 15 d’ochobre

Amuesa dibuxos, obres escultóriques y vídeos con reflexones de Chirino

La esposición 'Martín Chirino n’As Quintas' allargaráse hasta’l 14 d’ochobre. El trabayu cuenta con dellos dibuxos, obres escultóriques y vídeos, nos que se podrán sentir dalgunes reflexones de Chirino.

La so familia y amigos más cercanos quixeron homenaxear a la forma de crear y producir que tenía l’escultor. Decidieron facelo n’Asturies por mor del venceyu y la güelga que dexó Chirino n’Asturies dende que nos años 60 trabayare con artistes y ficiere dellos talleres en zones como Xixón.

Na rueda de prensa d’esta mañana, tuvo presente la fía de Chirino, que resaltó la trayectoria de so padre. Dende Cultura espliquen que ye unu de los grandes eventos d’esti branu y que se podrá visitar dende esti sábadu na Sala d’Esposiciones y Auditoriu d’As Quintas, n’A Caridá.