'Rimini', Mejor Llargumetraxe del Festival de Xixón, n'Albar

La cinta rumana 'Metronom' gana na sección de Retueyos

La película “Rimini", una comedia negra y corrosiva sobre la rellación ente dos hermanos y so padre, del director austriacu Ulrich Seidl, foi galardonada esti sábadu col Premiu al Meyor Llargumetraxe na 60 edición del Festival Internacional de Cine de Xixón, na sección oficial Albar, dedicada a cineastes renomaos internacionalmente.

El Filme, que se venceya a la última obra de Seidl, “Sparta”, que trata’l tema de la pederastia, narra la vida de Richie Bravo, interpretáu por Michael Tomas, y la so rellación col hermanu y el padre ingresáu nuna residencia na qu’entá resuenen los ecos del nazismu.

Na sección oficial Retueyos, pa cineastes con menos de tres películes, el xuráu dio’l premiu al Meyor Llargumetraxe a la coproducción franco-rumana “Metronom”, d’Alexandru Belc.