'Round-trip journey', la nueva esposición de Mónica Dixon en Mieres

Un repasu a la trayectoria de la pintora uvieína, con obres inédites hasta la fecha

'Round-trip journey' ye la nueva esposición de la pintora d’Uviéu y de los Estaos Xuníos, Mónica Dixon. Ye un repasu a la so trayectoria con obres inédites hasta la fecha. L’amuesa inauguróse esta mañana nel Institutu Bernaldo de Quirós de Mieres.

Un viaxe de dir y volver peles variaes llinies artístiques de Mónica Dixon. Dende les sos entamos a l’actualidá. De los interiores domésticos con oxetos y figures a los espacios vacíos namás con lluz, llegando a los paisaxes con cases solitaries que namás existen nestos llenzos.

Lo especial tamién reside no inédito. Como 'Scapes', obra nunca espuesta enantes n’Asturies. Tamién bocetos o dibuxos, de la so dómina d’estudiante o’l fechu pal restaurán 'Jaleo' de José Andrés.

Una inspiración pa los futuros artistes plásticos que se formen nel IES Bernaldo de Quirós.

Vivir la esperiencia d’esti viaxe ye posible hasta’l 31 de mayu viniente.