'Sali y el monte de la memoria', una hestoria de tolerancia

El Monte de la Memoria en Xixón ye un espaciu d'alcordanza y reflexón

El Monte de la Memoria, l'espaciu del parque de Los Pericones col que Xixón recuerda a les víctimes del Sida, ye yá un llugar de cuentu gracies a la escritora Noelia Ordiales y a la ilustradora Mayra Espíritu.

Elles son les creadores de 'Sali y el monte de la memoria', una hestoria que fala de valores como la tolerancia y l'alcordanza de los seres queríos yá ausentes.

Treslladar esti tema a un llinguaxe que puea ser asumíu pola infancia nun foi fácil, pero mereció la pena. De lo que se trata, dicen les sos autores, ye de treslladar el mensaxe de tolerancia.

El cuentu, el segundu protagonizáu pol personaxe de Sali, naz de la collaboración ente'l club de fútbol del Ciares y el Comité Ciudadanu Anti-SIDA del Principáu d'Asturies.

Una hestoria escontra la intolerancia en toles sos formes, yá a la venta en llibreríes.​