'Un nómada ante la diversidad', hasta'l 30 de xunetu na plaza Trascorrales

L'amuesa recueye fotografíes de los viaxes alredor del mundu d'Emilio Cueto

'Un nómada ante la diversidad' ye'l títulu de la esposición que recueye les fotografíes qu'Emilio Cueto fizo nos sos viaxes alredor del mundu per más de 60 años.

L'uvieín, conocíu sobre manera pola so faceta como empresariu constructor, axuntó 75 d'eses semeyes con paisaxe y paisanaxe de llugares recónditos.

Semeyes de tribus, monxos, madres, animales xabaces y dunes infinites que se convierten n'hestories de vides y que puen esfrutase na Plaza Trascorrales hasta'l próximu 30 de xunetu.