Aitana Castaño y Alfonso Zapico presenten 'Carboneras'

Muyeres que defendieron los sos ideales y curiaron de munchos nuna sociedá que les inoraba

Dos años dempués d'asoleyar 'Los niños de humo', la periodista Aitana Castaño y l'illustrador Alfonso Zapico asoleyen 'Carboneras'. Diecisiete capítulos, 16 escritos y unu ilustráu, ambientaos a primeros de los años 60 nel pueblu imaxinariu de Montecorvo del Camino.

Hestories ficticies, pero que surden tamién de muyeres con nomes propios defendiendo los sos ideales. En 'Carboneras' pue atopase amás personaxes que quedaren pendientes en 'Los niños de humuo, como'l cura obreru o les emigrantes.

Aitana y Alfonso averen al públicu a les muyeres que curiaron de munchos, pero poles que pocos miraron. Eses que, nuna sociedá que les inoraba, atoparon el sofitu ente elles, ente 'Carboneras'.​

El llanzamientu en llibreríes de 'Carboneras' va ser el próximu llunes 23 de payares.​