Aniversariu del Centru Internacional d'Arte Palaciu Revillaxixéu

Solo'l compromisu cola cultura y el sofitu financieru van llograr que vuelva rellumar 30 años más tarde

Un 5 d'agostu de 1991, el Centru Internacional d'Arte Palaciu Revillaxixéu abría les sos puertes con una esposición d'Eduardo Chillida.

El centru yera'l primer apueste cultural contemporaneu n'Asturies hasta la creación de Niemeyer y Llaboral.

Nos sos primeros años yera un proyectu ambiciosu con una llinia definida que, adulces, foi diliéndose. Poco queda d'esi rellumu cultural que tenía nos 90.

La desapaición de la Caxa d'Aforros d'Asturies ye la causa fundamental de los cambeos que sufrió esti centru.

Va una década, la so obra social y cultural suponía una inversión cultural na rexón de más de 10 millones. El sofitu económicu pa caltener l'edificiu, la programación cultural y la colección artística de l'antigua Caxa d'Aforros son les cuestiones que más esmolecen.

El futuru del Centru Internacional d'Arte Palaciu Revillaxixéu ye inciertu. Solo'l compromisu cola cultura y el sofitu financieru van llograr que vuelva rellumar como fai 30 años.