Arándanos 'El Bregón' llogra un triplete históricu nel concursu de la feria d'arándanos y frutos coloraos de Villaviciosa

Ye una pequeña empresa familiar naveta con cerca de 5.000 plantes

El meyor plantíu, la meyor n'ecolóxico y el meyor arándanu d'Asturies ta nel mesmu llugar: en territoriu navetu n'Arándanos El Bregón. Asina lo decidió'l xuráu del concursu d'esti frutu nel festival maliayu, un llogru que nunca enantes se dio señala María José Camino, d'Arándanos El Bregón (Nava). Y ye qu'esta pequeña empresa familiar cuenta con siete variedaes y 4.700 plantes. Yá saben lo que ye ganar equí va dos años y pa ellos el secretu, ta claru.

La feria, de récord al cuntar con una trentena de productores, cerró con mui bones sensaciones. Munchu públicu tol fin de selmana y qu'amás se dexó notar, y enforma, nes ventes. Dellos puestos llegaron inclusive a vender 200 quilos apunten Celestino Tuero, productor de Villaviciosa; Francisco Villabrille, productor d'Os Ozcos; y Adrián García, productor de Villaviciosa.

Nun faltaron visitantes de la xeografía nacional qu'amás de mercar, veníen a deprender señala José Francisco Larrinoa, visitante de Bilbao. Los arándanos consolídense un añu más como una de les cites cimeres del sector y el branu maliayu.