Atopen restos de polo menos dos persones na fuexa común de Parasimón, en L.lena

Los restos fueron alcontraos nos trabayos de llende y sondéu de la fuexa

La Sociedá de Ciencies Aranzadi atopó restos óseos de polo menos dos persones na fuexa común de Parasimón, en Payares, nel conceyu de L.lena, víctimes de la represión franquista, informó'l Gobiernu del Principáu.

Los restos fueron alcontraos nos trabayos de llende y sondéu d'esta fuexa, y diose avisu a la Guardia Civil y a l'autoridá xudicial.

La conseyera de Presidencia, Rita Camblor, foi esti domingu al llugar y señaló que la intención del Principáu ye desenterrar los restos d'estes persones, una vez que puean retomase les escavaciones pa facer la so identificación.