Avilés propón un paséu pel arte del cómic con '¿Pintes o dibuxes?'

Una esposición que busca averar el cómic a la ciudadanía

Acción Cultural Española (AC/E) y el Conceyu d'Avilés entamen la esposición de cai '¿Pintes o dibuxes?', un paséu pel arte de la mano del cómic que, comisariada por Jorge Díez, podrá vese hasta'l 23 de payares na pista de La Esposición, en Les Meanes d'Avilés.

Esta esposición busca un aproximamientu al arte de la historieta o del cómic de la mano de los autores españoles Ana Galvañ, Antonio Altarriba/Keko, Fermín Solís, Laura Pérez Vernetti, María Hesse, Mauro Entrialgo, Max, Pablo Auladell y Santiago García/Javier Olivares.

Toos ellos, con un llinguaxe propiu, toquen nos sos trabayos l'arte clásicu y contemporaneu al traviés d'artistes como El Bosco, Velázquez, Buñuel, Frida Kahlo, Duchamp o Picasso, ente otros.