Cadavéu amanez cola resaca de la visita real

Munchos visitantes nel pueblu, el día dempués de la entrega del galardón de Pueblu Exemplar

Cadavéu foi esta mañana un continuu dir y venir de persones. Fueron munchos los que quixeron repitir l'itinerariu real y obligao foi sacar una semeya cola placa que recuerda'l galardón de Pueblu Exemplar.

Un atarraquitáu campu de La Regalina foi otru de los escenarios más buscaos. El so horru y la ermita fueron les imáxenes más fotografiaes polos centenares de turistes que s'averaron hasta ellí.

Una visita que dexa una anécdota. El tracamundiu de Felipe VI al cambiar Cadavéu por Sardéu, pueblu de residencia de la güela de Doña Letizia, Menchu Álvarez del Valle nel llibru de firmes. Unu de los temes de conversación de los próximos díes ente unos vecinos que güei espertaron un poco más tarde de lo avezao.

Los más madrugadores echaben una güeyada a la prensa pa recordar un día onde les previsiones medraron.

Intentando volver a la normalidá queda l'arguyu d'una xornada inolvidable. Ye la feliz resaca del Pueblu Exemplar 2022.