Desagospiaos los padres enzarraos na Conseyería d'Educación

Lydia Espina insiste en que la Conseyería nun pue facer nada

La Policía Nacional desagospió a los cuatro padres enzarraos na Conseyería d’Educación pa protestar pola xubida del preciu del comedor escolar. Accedieren al edificiu pela mañana dempués d’una protesta xunto a otres families afectaes. La so intención yera nun abandonar hasta ser recibíos. Agora dan por rota la comunicación cola conseyería y piden a Barbón qu’intervenga apunta Héctor Palacio, portavoz de les families afectaes.

Soluciones que tamién reclamen representantes políticos y sindicales, que criticaron la rempuesta de la conseyería señalen Covadonga Tomé, diputada del Grupu Mistu na Xunta Xeneral; José Manuel Zapico, secretariu xeneral de CCOO d’Asturies y Pablo Álvarez, conceyal de Servicios Operativos y Mediu Rural de Llangréu.

La quiebra de la axudicataria medró’l preciu del comedor en más de 3 euros per día y neñu nos colexos José Bernardo de Sama y Vega de Gucéu de Turón. Una cifra inasumible pa les families. Lydia Espina insiste en que ye un problema temporal y que se solucionará’l cursu viniente.

Una rempuesta insuficiente pa les families qu’anticipen siguirán ensin abonar la medría del costu.