Día Internacional de la Lliteratura Infantil y Xuvenil

La revista d'orixe asturianu 'Platero', referente n'encamientos lliterarios

Güei ye'l Día Internacional de la Lliteratura Infantil y Xuvenil. Un referente nos encamientos de llibros pa esti públicu y el so profesoráu ye la revista d'orixe asturianu 'Platero', con cuasi 40 años d'andadura.

Pero les formes d'encamentar lliteratura tamién evolucionaron na nuesa rexón, con especial relevancia de los actuales blogues lliterarios.

Son miles los encamientos que 'Platero' fixo y sigue faciendo al so públicu infantil nos 224 númberos asoleyaos dende los sos entamos.

Cuasi 40 años, nos que los sos collaboradores, profesores de Primaria y Secundaria, entienden la lliteratura como un descubrimientu. Y del papel, al blogue. 'Platero' adapta los sos encamientos, por edaes y temátiques, tamién a les plataformes "online".

Exemplu d'ello ye 'Infinite Books', creáu pola moza asturiana Sandra Yáñez.

Formatos distintos con un oxetivu común: esfrutar y compartir la llectura.