Día d'anécdotes, sorrises y agradecimientos en Somáu

Solo los censaos pudieron siguir en vivo y en directo'l percorríu real

Día d'anécdotes, sorrises y agradecimientos, en Somáu, onde solo los censaos pudieron siguir en vivo y en directo'l percorríu real.

Inclusive dellos vecinos, los más afortunaos, pudieron esfrutar de la visita de la familia Real dende casa. Taben agradecíos pola llegada de les sos maxestaes, y tamién arguyosos de que'l so pueblu se volviera Exemplar. Pero, sobre manera, satisfechos porque vieron compensada, aseguren, la unidá del so pueblu.

Los neños, y non tan neños, quixeron agasayar a los reis y les sos fíes. Tampoco faltó la tradicional alfombra de sal.

Y ye qu'entá con llendes, la mañana de güei va perdurar nos vecinos exemplares de Somáu.