El fueru d'Avilés, una "xoya del nuestru archivu y de la nuestra historia"

Ye'l primer testimoniu escritu que se conserva en llingua asturiana

Ta fecháu nel sieglu XII y recueye'l primer testimoniu escritu que se conserva en llingua asturiana. El fueru d'Avilés ye un documentu sobre los privilexos que'l rei Alfonso VI concedió a la villa y a los sos habitantes.

Un pergamín de dos pieces fecháu en 1955, una "xoya del nuestru archivu y de la nuestra historia", diz Pepa Sanz, cronista oficial d'Avilés.

"Esti documentu ye famosu porque cuando esti escribanu lu va a realizar, nun va a usar les fórmules normales que sabía en Llatín, ye un documentu que tien que crear nuevu, y al crealu escribe lo qu'escucha que yá nun ye en Llatín, sinón nel llinguaxe que se fala, una derivación del Llatín onde aparecen palabres qu'usamos anguaño n'asturianu".

Asturies Selmanal va a abordar esta nueche la diversidá llingüística d'Asturies y el debate social abiertu sobre la oficialidá. Esta nueche, a les 21:30 échase'l reportaxe 'Falemos de la nuesa llingua', un trabayu con puntos de vista mui estremaos y que, por mor de la

Selmana de les Lletres Asturianes, tará narráu n'asturianu.