El patrimoniu mineru consolídase como motor turísticu

Una colección de la hestoria de la minería asturiana va poder vese a partir de marzu nel Pozu Fondón

Hunosa va abrir al públicu la zona espositiva del so archivu históricu. Una colección qu'atesora documentos y oxetos de más d'un sieglu d'hestoria de la cuenca central asturiana, que va poder visitase a partir de marzu nel Pozu Fondón.

Una amuesa qu'axunta documentos de gran valor y documentación diversa de les empreses mineres que s'integraron n'Hunosa, amás de fotografíes y oxetos recuperaos de los pozos clausuraos nes últimes décades.

Autorrescatadores, centralites de teléfonu, máquines d'escribir y una colección de 30 llámpares de mina cedíes temporalmente pol consistoriu mierense igüen una amuesa qu'inclúi una fragua con ferramientes y utillaxe.​