El pintor Pablo Lage remata los últimos detalles del skate park de Cimavilla

La comunidá skater afirma que l'espaciu necesita más meyores

El pintor Pablo Lage remata los últimos detalles del skate park de Cimavilla, una iniciativa entamada pol Conceyu por cuenta de la celebración del Tsunami Xixón Festival. Un llabor de cinco díes per 10 hores diaries.

L'espaciu va tar zarráu hasta'l próximu sábadu, pa que l'artista puea llevar alantre los trabayos de pintura con motivos rellacionaos cola ciudá. La pintura reflexa'l barriu Cimavilla coles foles.

La comunidá skater, pela so parte, nun ta conforme coles resultancies polo xeneral porque dicen que ye un mínimu de lo qu'entá ta por faer y que se necesiten meyores.

El sábadu va llevase alantre la inauguración del skate park dende la 13:00 hasta les 15:00, con una exhibición del skater profesional Danny León.