Empiecen les deliberaciones del Premiu Princesa d'Asturies de Comunicación y Humanidaes 2024

Destacaos hispanistes ente los aspirantes al galardón

El xuráu del Premiu Princesa d'Asturies de Comunicación y Humanidaes empecipió esti llunes n'Uviéu les deliberaciones sobre les cuarenta y siete candidatures de quince nacionalidaes presentaes anguaño, ente les que s'incluyen destacaos hispanistes y una amplia representación de comunicadores.

Esti galardón, que ta destináu a premiar "el llabor de cultivu y perfeccionamientu de les ciencies y disciplines consideraes como actividaes humanístiques y de lo rellacionao colos medios de comunicación social en toles sos espresiones", recayó'l pasáu añu sobro'l filósofu, escritor y profesor italianu Nuccio Ordine, quien morrió poco dempués de la concesión del premiu, el 10 de xunu de 2023.

El presidente del tribunal, el filólogu y ex-director de la Real Academia Española, Víctor García de la Concha, señaló que les candidatures d'esta cuadraxésimu cuarta edición tán lideraes por "personalidaes internacionales" que constaten qu'esti premiu ye "valoradísimu" fuera d'España.