Entamen les deliberaciones del Premiu Princesa d'Asturies de los Deportes

Son 24 candidatures de 14 nacionalidaes con "destacaos aspirantes"

El xuráu del Premiu Princesa d’Asturies de los Deportes entamó esti martes n’Uviéu les deliberaciones al rodiu de 24 candidatures de 14 nacionalidaes presentaes esti añu, con "destacaos aspirantes" de los que se valora la exemplaridá amás del so palmarés d’éxitos competitivos.

El xuráu, que según los estatutos de la Fundación Princesa d’Asturies tendrá que valorar "les trayectories que se convirtieren, pente medies del fomentu, desendolcu y perfeccionamientu del deporte y la so dimensión social, nun exemplu de les posibilidaes que la práctica deportiva conlleva en beneficiu de los seres humanos", dará anuncia mañana, miércoles n’Uviéu, del sucesor del atleta kenianu Eliud Kipchoge.

El xuráu decidió l’añu pasáu distinguir a Kipchoge como "referente del atletismu mundial" y como’l "meyor corredor de maratón de tolos tiempos", pero tamién pol so "importante llabor social" al traviés de la fundación que lleva’l so nome, que se dedica a facilitar l’accesu a la educación infantil y a la protección del mediu ambiente.