Entamen les deliberaciones del xuráu del Princesa d'Asturies de Cooperación Internacional

L'añu pasáu foi distinguida la Iniciativa Medicamentos pa Enfermedaes Desatendíes

Los diecinueve miembros del xuráu del Premiu Princesa d’Asturies de Cooperación Internacional 2024 entamaron esti martes n’Uviéu les deliberaciones ensin amosar preferencias ente les trenta y cuatro candidatures de trece nacionalidaes qu’opten esti añu al galardón.

El presidente del tribunal, Gonzalo Suárez-Pertierra, máximu responsable del Comité Español d’UNICEF, dará a conocer mañana al mediudía’l premiáu nesta categoría, destinada a reconocer "el llabor, individual o colectivu, con otru o otros, de desendolcu y fomentu de la salú pública, de la universalidá de la educación, de la protección y defensa del mediuambiente y del avance económicu, cultural y social de los pueblos".

La decisión preséntase, "como siempres, complicada" al ser un galardón "mui tresversal", comentó en declaraciones a los periodistes momentos enantes d’entamar les deliberaciones.