Esposición "La Prehistoria de la Música"

Amuesa los primeros instrumentos musicales fechos pol home

Conocer cómo sonaba la música nel Paleolíticu y qué materiales usaben esos primeros seres humanos ye la oportunidá qu’ufierta "La Prehistoria de la Música", una esposición que dende güei pue visitase nel Muséu de La Campa Torres.

Los primeros instrumentos musicales fechos pol home apaecieron va más de 40.000 años, en dellos puntos del planeta. Son instrumentos fechos a partir de los materiales que teníen a mano.

La esposición amuesa una gran variedá d’instrumentos, los más d’ellos sobreviven nes sociedaes de cazadores–recolectores qu’entovía hai nel nuestru tiempu.

La esposición tien una vocación didáctica y ta formada por 80 répliques d’instrumentos. Güei visitóla l’alumnáu del colexu Alfonso Camín.